كيف تتصرف عند سرقة الأيفون

ios12-iphone-x-ipad-pro-find-my-iphone-lost-mode
Share on facebook
Share on twitter
Share on pinterest

كيف تتصرف عند سرقة الأيفون
الأستفادة من Find My iPhone لو التليفون ضاع او اتسرق و خصوصاً لو الجهاز مبقاش متصل علي الانترنت.

Find My iPhone هي ميزه بتساعدك على تحدد مكان جهازك سواء عن طريق انك تعمل تسجيل دخول لحساب الـ iCloud عليiCloud.com او عن طريق تطبيق بتنزله علي اي جهاز آبل تاني.

لما بتفتح حسابك علي Find My iPhone بيكون قدامك الاختيارات دي:

* View Location
عشان يظهرلك موقع كل اجهزة آبل الخاصة بيك الي متسجل دخول عليها بحساب الـ iCloud الخاص بيك و طبعاً متصلة بالانترنت و متفعل عليها الـ location services.


* Play a sound
و دي في حالة ان جهازك ضايع في البيت ده بيساعدك تلاقيه عن طريق انه بيصدر صوت عالي جداً طبعاً حتي لو الموبايل سايلنت . و الميزة دي كمان موجودة للـ AirPods او سماعات البلوتوث الجديدة الي اصدرتها آبل.

* Lost Mode
في حالة ان جهازك ضاع الاختيار ده هيقفل الجهاز و هيبدأ يعمل تتبع لمكانه و كمان يظهرلك الجهاز كان فين آخر ٢٤ ساعة. و تقدر تكتب رسالة تظهر علي شاشة الجهاز فيها رقمك في حالة ان حد لقاه او ان الشخص الي سرقه حس انه مش هيستفاد منه بحاجة.


* Remote Erase
لو حاطط pass code سهل او خايف ان الي سرق جهازك ممكن يكون حد عارف الـ pass code، الخطوة دي هتمسحلك كل حاجة علي جهازك و ترجعه لاعدادات المصنع عشان تضمن ان محدش يوصل للداتا بتاعتك.

* Activation Lock
لو الجهاز ضاع او اتسرق و مفيش امل من رجوعه؛ تقدر تختار الاختيار ده عشان تحول الجهاز لقطع غيار، مستحيل التليفون يتفتح الا بحساب الـ iCloud بتاعك. يعني من الاخر الجهاز بقي مجرد خردة في ايد الي سرقه و مش هتقدر حتي تعمله تتبع يعني دي تخليها اخر خطوة.

•• طيب لو الجهاز اتسرق و الي سرقه ممكن يعمله Airplane mode او زي ما في iOS11 يقفل الداتا كمان ؟!
انت تقدر تلغي ان الـ control center تتفتح في الـ lock screen عن طريق settings > control center > access on lock screen > off
ده غير ان الي سرقه ممكن يشيل الخط من الجهاز اصلاً يعني مش دي المشكله؛ بس وقتها خاصية lost mode هتحددلك الجهاز كان فين اخر ٢٤ ساعة قبل ما يتفصل عنه النت

و لو شال الخط و عمل restore للجهاز هيطلب منه sim card و هيطلب انه يتوصل بالـ wifi و اول ما يتوصل بنت هيجيلك مكانه.. و هيطلب منه iCloud بتاعك و مش هيعرف يفتح الجهاز

•• من الآخر مهم جداً انك تشغل Find My iPhone  من Settings > iCloud > Find My iPhone ; و خدمات الموقع من Settings > Privacy > Location Services > On

Share this post with your friends

Share on facebook
Share on twitter
Share on linkedin